ما هو التسويق الرقمي وكيف يمكنك الاستفادة منه 2023

ما هو التسويق الرقمي وكيف يمكنك الاستفادة منه 2023

لسه بتدرس في الجامعة أو بتشتغل وعايز تغير كارير شغلك لمجال التسويق الرقمي؟ بتسمع كتير ان مجال التسويق الرقمي هو المستقبل ومهم جدا الفترة دى. ممكن تكون متردد تبدأ وقلقان أن الذكاء الاصطناعي يقوم بكل مهام التسويق الرقمي، احنا في ماركتنج بالعربي بنقدم لك الحل!

في المقالة دي هتبدأ تعرف ما هو التسويق الرقمي، وليه مهم ازاي تبدأ في المجال وازاي ممكن تستفيد منه.

ما هو التسويق الرقمي؟

الإجابة على سؤال ما هو التسويق الرقمي؟ ببساطة هو عبارة عن كل الطرق التسويقية اللي ممكن تنفذها من خلال العالم الرقمي عبر الانترنت عشان تقدر تتواصل مع جمهورك المستهدف عشان تحقق زيادة في مبيعاتك.

يطلق على التسويق الرقمي كمان اسم التسويق الإلكتروني وبالانجليزي معناه Digital marketing أى ديجيتال ماركتنج بالعربي لكن الفرق بين التسويق الرقمي والإلكتروني هو ان معنى التسويق الرقمي شامل اكتر، لأنه يشمل جميع الأنشطة التسويقية، من خلال الإنترنت، وعلى قنوات رقمية كتير زي التسويق على الموبايل وكمان في القنوات الأخرى خارج الإنترنت، زي اللوحات الإعلانية الإلكترونية.

مميزات التسويق الرقمي:

بعد ما عرفنا ما هو التسويق الرقمي هنوضح ايه مميزاته ومنها ان التسويق الالكتروني بيسمح لك انك تتفاعل مع عملائك بطريقة مباشرة وانهم يتفاعلوا معاك و يعبروا عن ارائهم حول منتجاتك او خدماتك من خلال كتابة التعليقات على صفحتك وبالتالي ده هيساعدك على فهم عملائك بشكل أفضل.هنوضح بالتفصيل ايه هي مميزات التسويق الرقمي:

الوصول إلى عملائك المحتملين من خلال الاستهداف:

الاعتماد على التسويق الرقمي بيحقق لك زيادة في الوصول لعملائك المحتملين، وكمان ممكن توجه أنشطة التسويق الرقمي بهدف انك توصل لهم. على سبيل المثال، من خلال استخدام الحملات الإعلانية باستخدام تحسين محركات البحث أو عمل اعلان ممول على الفيس بوك وتضيف بيانات جمهورك المستهدف المطلوبة، بالتالي هتوصل الإعلانات إلى جمهورك المستهدف. كمان باستخدام الكلمات المفتاحية المناسبة اللي يبحث عنها عملائك هتقدر تكون قريب منهم وتظهر لهم في اول نتائج البحث على جوجل.

قابلية قياس نتائج أنشطة التسويق الرقمي:

بعد ما عرفنا ما هو التسويق الرقمي، بنوضح لك كمان ان من مميزاته المهمة جدا هي انك تقدر تقيس النتائج زي مثلا نتائج حملات اعلانات ممولة فيس بوك وفي كتير من أدوات التسويق الرقمي اللي بتوضح تحليل كامل للأداء، وبتعرف استهدافك للجمهور كان صح ولا محتاج تعديله.

فاعلية التكلفة مقارنة بالتسويق التقليدي:

بتقدر من خلال التسويق الرقمي انك تحدد الميزانية الاعلانية بشكل مرن لأنك بتحددها بناء على الأرباح اللي ممكن تحققها من الاستثمار في الاعلانات الممولة مقارنة بحجم التكاليف اللي هتتحملها عشان تنشئ حملة إعلانية.

في عالم التسويق الرقمي ممكن تدفع مقابل انك تنشر مقاطع فيديو تسويقي على موقعك الالكتروني أو صفحات وسائل التواصل الاجتماعي لعملائك، لكن مش هتحتاج تصرف مبالغ كبيرة في الإعلانات التلفزيونية اللي مش هتقدر تحدد انها تتعرض في كل مكان لجمهورك المستهدف وطبعا تكلفتها بتكون اعلى من التسويق الرقمي عبر منصات التواصل الاجتماعي. لكن من خلال فهم ما هو التسويق الرقمي وفهم كيفية إنشاء حملات إعلانية ناجحة، هتعرف في أي وقت تتحكم في ميزانية اعلاناتك وكمان في توقيف الإعلان في أي وقت.

التواصل بين الطرفين:

بعد معرفة ما هو التسويق الرقمي، التسويق أساسه التواصل مع العملاء، وانه يقربك من عملائك ودي من المميزات اللي بتوضح أهمية التسويق الرقمي. لأنك بتقدر تعرف آراء عملائك عن المنتج أو الخدمة اللي بتقدمها، وكمان تقدر تستفاد من ملاحظاتهم وآرائهم بأنك تغير وتطور من طريقة عرض منتجاتك او خدماتك.

في كتير من الطرق المتاحة عشان تتواصل مع عملائك، أبسطها من خلال التعليقات والرسائل على صفحاتك بمواقع التواصل الاجتماعي. وممكن كمان تعمل استبيان عن منتجاتك او خدماتك عشان تحصل على التقييمات، أو تخصص جزء له علاقة بالتقييم في صفحات منتجاتك على موقعك الإلكتروني. عشان تضمن الاستفادة من التواصل ده بطريقة صحيحة.

تحديات التسويق الرقمي:

1. زيادة عدد القنوات الرقمية:

انتشرت القنوات الرقمية المختلفة الموجودة للمستخدمين ولكل منها مواصفات مختلفة عن التانية. وبيستخدم الاشخاص الأجهزة دي بطرق مختلفة ولأغراض مختلفة. كمان عدد القنوات الرقمية بيزيد كل يوم باستمرار، واكيد ده بيأثر على تجربة كل المستخدمين وبيكون من الصعب انهم يختاروا القناة الرقمية المناسبة لهم.

وجود قنوات كتير ده بيوفر مجال واسع للتواصل والترفيه عبر الانترنت وكمان بتوفر لك خيارات كتير عشان تقدر تعمل اعلانات مدفوعة وتستهدف جمهورك عن طريق المنصة اللي بيكونوا نشطين فيها اكتر عن غيرها.

ممكن تلاقى ان عيوب القنوات الرقمية هو ان في تشتيت للانتباه بيحصل للمستخدمين، خصوصا لو في اختيارات كتير متاحة ليهم. بالتالي، ممكن يؤدي ان المستخدم يشعر بالإرهاق من الاختيارات الكتير المتاحة.

2. المنافسة المستمرة:

بعد ما عرفنا ما هو التسويق الرقمي، حابين نوضح لك ان في منافسة متزايدة ممكن تواجهك في قنوات التسويق الرقمي ومعناها أن في كتير من الشركات والعلامات التجارية اللي بتستخدم القنوات دي عشان توصل لزيادة عدد العملاء المحتملين. وبما أن قنوات الـ ديجيتال ماركتنج بالعربي كتير ومهمة في انك توصل إلى عملاء جدد، ده معناه ان الشركات بتتنافس بشكل كبير عشان تحصل على انتباه واهتمام العملاء بكل الطرق الممكنة.

3. قواعد البيانات الكبيرة:

قواعد البيانات الكبيرة معناها ان في كمية كبيرة من البيانات اللي تقدر تجمعها وتخزنها من خلال القنوات الرقمية واللي منها معلومات عن جمهورك المستهدف وسلوكهم وتفضيلاتهم وغيرها من التفاصيل. وطبعا من الصعب انك تتعامل مع العدد الكبير ده من البيانات وتحليلها بطريقة صحيحة، وانك كمان توصل إلى جمهورك المستهدف وتحقق أفضل النتائج.

ممكن تتغلب على التحديات دي، انك تستخدم تقنيات الذكاء الاصطناعي عشان تقدر تفهم البيانات دي بطريقة مضمونة. وتستخدم التقنيات دي عشان تحدد التوقعات وتكون صورة أوضح عن جمهورك المستهدف واهتماماتهم وده هيساعدك انك تصمم إعلاناتك بشكل أفضل.

4. فريق تسويق محترف:

ممكن يواجهك مشكلة انك تلاقي فريق تسويق محترف ومتخصص في المجال، خصوصا لو عندك مشروع او بيزنس جديد وعايز فريق متخصص يسوق لمنتجاتك او خدماتك، عشان كده افضل حل انك تتعامل مع افضل شركة تسويق الكتروني في مصر هيقدروا انهم يرشحوا لك المنصة المناسبة على منصات التواصل الاجتماعي وتكون مناسبة اكتر لمجالك ويحققوا لك نتائج مبهرة، كمان لو بتسأل نفسك ازاى تختار افضل شركة اعلانات سوشيال ميديا، تابع كل مقالاتنا عن الـ Marketing بالعربي وهتعرف بالتفصيل عن كل حاجة تخص الـ ديجيتال ماركتنج بالعربي.

أهم قنوات التسويق الرقمي:

بعد ما عرفنا اجابة ما هو التسويق الرقمي، هنوضح لك ايه اهم قنوات التسويق الرقمي اللي لازم تتقنها ومنها:

1- تحسين محركات البحث (SEO):

تحسين محركات البحث هي عبارة عن استراتيجية تسويقية فعالة بتساعدك انك تظهر في الصفحات الأولى في نتائج محركات البحث جوجل (SERPs). وده بيتم من خلال انك تنشئ محتوى موقعك الإلكتروني بطريقة جذابة، وده طبعا يؤدي لجذب عملاء جدد و زيادة زوار موقعك مجانا وزيادة المبيعات وطبعا هتحقق هدف البيزنس الخاص بك.

في 3 عوامل خلي بالك منهم وانت بتستخدم تحسين محركات البحث في التسويق الرقمي وهما:

• التحسين التقني للموقع.
• تحسين المحتوى.
• تحسين الروابط.

وكمان تقدر تتعلم كيفية تحسين محركات البحث وتعرف ما الفرق بين SEO و SEM بنفسك من خلال الكورسات الموجودة اونلاين او من حدد متخصص في المجال.

2. إنشاء موقع إلكتروني (التسويق بالمحتوى):

التسويق الرقمي من أفضل الطرق عشان تسوق لشركتك أو الخدمة اللي بتقدمها، عشان كده محتاج انك تنشئ موقع إلكتروني للبيزنس الخاص بك بشكل جيد وتقدم معلومات عن منتجاتك أو خدماتك.

كمان ممكن تنزل مقالات وتقدم موضوعات في مجالك عشان تجذب عملاء جدد ودي طبعا طرق مضمونة لـ الربح من الانترنت.

بعد معرفة ما هو التسويق الرقمي، في نوعين من كتابة المحتوى التسويقي حابين اننا نوضحهم وهما:

كتابة المحتوى الاعلاني" Copywriting "

الكوبي رايتنج او المحتوى الاعلاني بيكون الهدف منه التسويق بطريقة مباشرة، وتقوم بتحفيز عملائك بشكل مباشر وتشجعهم انهم يقوموا بالشراء أو الإشتراك في خدمة معينة. وكمان الكوبي رايتنج يرتبط بكتابة الإعلانات الممولة والمحتوى التسويقي على صفحتك عشان تحقق أفضل النتائج والأرباح.

كتابة المحتوى "Content Creation"

هو عن طريق تقديم محتوى له قيمة مجانية لجمهورك المستهدف ومعلومات مفيدة أو نصائح أو خبرة في بعض الجوانب وده معناه التسويق بالمحتوى. وهو يعتبر انك تسوق لمنتج أو خدمة بس الهدف بيكون غير مباشر والهدف هنا هو انك تبني علاقة بينك وبين الجمهور المستهدف وتجذب انتباههم لخدماتك أو منتجاتك والقيمة الموجودة فيهم.

3. التسويق عبر مواقع التواصل الاجتماعي (سوشيال ميديا):

اتكلمنا عن ما هو التسويق الرقمي، وكمان وضحنا انك تقدر تعمل تسويق من خلال السوشيال ميديا، لأنها من أهم قنوات التسويق الرقمي. وتقدر انك تجذب عملاء جدد وتعرفهم بعلامتك التجارية ويبتدوا يتفاعلوا معاك بآرائهم. وطبعا الهدف الأساسي هنا هو تحويل العملاء المستهدفين إلى عملاء فعليين من خلال عملية الشراء، ومن أهم منصات السوشيال ميديا هي فيس بوك، انستجرام، تيك توك ويوتيوب و تطبيق ثريد Thread.

4. التسويق عبر البريد الإلكتروني (Email Marketing):

التسويق عبر البريد الإلكتروني من طرق التسويق الرقمي وهي من الطرق الفعالة جدا. ركز انك أما تبدأ في إرسال رسائل تسويقية لعملائك على البريد الالكتروني، حاول ان لا تقوم بإرسال رسائل كتير لأن ده ممكن يأثر بالسلب على عملائك ويكون مزعج ليهم و بالتالي مش هيقوموا بقراءة رسالتك.

5. التسويق عبر محركات البحث Search Engine Marketing:

معظم الناس ممكن تفكر ان مفيش فرق بين التسويق عبر محركات البحث وبين تحسين محركات البحث لكن في الحقيقة ان في فرق كبير بين التسويق عبر محركات البحث (SEM) وبين تحسين محركات البحث (SEO)، أسمائهم متشابهين لكنهم مختلفين عن بعض بشكل كبير، طب ما الفرق بين SEO و SEM ؟

تحسين محركات البحث بتقدر من خلاله ترتب الكلمات الرئيسية أو الكلمات المفتاحية اللي بيبحث عنها عملائك وانها تظهر في النتائج الأولى مجانًا، لكن التسويق عبر محركات البحث بيكون هدفه زيادة عدد زوار موقعك الالكتروني عن طريق الاعلانات على جوجل وتحقق أرباح مقابل الظهور في النتيجة الأولى.

بعد ما وضحنا ما هو التسويق الرقمي، اللي هو الديجيتال ماركتنج، هنوضح لك ايه الفرق بين الديجيتال ماركتنج والسوشيال ميديا.

التسويق الرقمي أو الديجيتال ماركتنج بيكون التركيز فيه على الأهداف العامة للبيزنس الخاص بك واللي بتكون ليها علاقة بتحقيق الأرباح، مع زيادة حصتك في السوق، بالاضافة لأهداف تانية زي تطوير منتجاتك أو خدماتك، وانك تعمل على مراحل التطور العامة للبيزنس الخاص بك ككل وغيرها.

أما السوشيال ميديا بيكون هدفها ورؤيتها محدودة جدا عن أهداف الشركة، زي ازاي تسوق لمنتجاتك، وطريقة التفاعل مع عملائك، ومعرفة مشاكل وآراء عملائك حول منتجاتك او خدماتك. الاعتماد على السوشيال ميديا بيكون على الأهداف الفرعية لكل مرحلة، ولكن التطوير الأساسي بيرجع لخطة التسويق الرقمي.

ملخص

لو عايز تعرف ما هو التسويق الرقمي وازاي تبدأ في المجال الرقمي، في المقالة دي هتعرف بالتفصيل عن ما هو التسويق الرقمي و مميزاته. احنا في ماركتنج بالعربي مهتمين اننا نقدم لك معلومات ليها علاقة بمجال الـ ديجيتال ماركتنج بالعربي من غير ما تدور على مواقع كتير لأننا هنوضح لك كل تحديث وكل معلومة جديدة.

عشان كده في المقالة دي وضحنا لك ما هو التسويق الرقمي وهو عبارة عن التسويق عبر منصات التواصل الاجتماعي " السوشيال ميديا ". وطبعا اختيار المنصة المناسبة من منصات وسائل التواصل الاجتماعي مهم جدا، عشان كده حاول انك تختار أفضل منصة مناسبة للبيزنس الخاص بك عشان تكون أقرب إلى جمهورك المستهدف.

من ضمن قنوات التسويق الرقمي هو التسويق عبر محركات البحث وهو مهم جدا لأنك من خلالة بتعمل اعلان ممول على جوجل وبتكون متواجد في أول نتائج صفحات البحث الأولي على جوجل، وبالتالي المستخدمين هيقدروا يلاقوك بكل سهولة. كمان ممكن تستعين بـ افضل شركة سيو في مصر عشان تساعدك في ظهور موقعك الإلكتروني في اول نتائج محركات البحث جوجل.

دلوقتي تقدر تتابع كل مقالاتنا في ماركتنج بالعربي وتتابع كل التحديثات والمقالات اللي تخص عالم الـ Marketing بالعربي. كل ده واكتر تقدر تعرفه وتتعلمه في ماركتنج بالعربي. وبنشجعك لو عندك أى استفسار ممكن تكتبلنا كومنت و هنتواصل معاك فورا.